محشش فاتته التاتا.... لحگهه بتكسي.
گصاب مات.. شيعوه الچلاب.
مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق جط موانع
محشش ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندچ علاقات؟ لا.. گال : معقوله ؟؟ گالت: ملليت من هالشغلات.
محشش گال لصاحبه: تكتم السر؟؟ گلله: سرك اببير.. گلله: زين تداينني چم فلس؟.. گلله: شوف؟ ولا چني سمعت.
وحدة إبنهه ضاع منهه بالسوگ، گامت تبجي.. گالولهه: إذا إبن حلال ميضيع.. گالت: ياويلي!! راح الولد.
أبو معرض سيارات بالبياع..سألوه: منو أفضل المطربين بنظرك؟ گال : مايكل داتسون و مازدا الرومي.
واحد سأل صاحبه. : شنو اخبار الوالد؟؟ بعدين تذكر انو والده ميت فكمل بسرعة: بعده بنفس المگبرة ؟؟
حشاش راح للبنزين خانه گللهم: أريد قنينة غاز.. گالوله: روح جيب وحده فارغة.. گال:لا ..أشربهه هنانه.
كيكي بالصحراء يدعي: يا إلهي اريد مي، حته لو قطره،هناك نزلت عليه قطره گام بلل بيهه گذلته .
محشش سألوه شتحب اتصير بالمستقبل گال: خبير روسي.
محشش مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟
محشش راح للدكتور گلله: دكتور عندي مغص قوي.. گلله الدكتور: طيب إنته ماكل شي ؟ گلله: شنو دكتور قابل أريد أجربك؟
الأحد مايو 15, 2011 8:10 pm